Office Drawen eginbideak

Office Draw aplikazioak marrazki sinpleak eta konplexuak sortu eta haiek irudi-formatu arruntetara esportatzeko aukera ematen dizu. Office programetan sortutako taulak, diagramak, formulak eta beste elementu batzuk ere marrazkietan txerta ditzakezu.

Bektore-grafikoak

Office Drawek bektore-grafikoak sortzen ditu bektore matematikoek zehaztutako marrak eta kurbak erabiliz. Bektoreek marrak, elipseak eta poligonoak deskribatzen dituzten, haien geometriaren arabera.

3D objektuak sortzea

Office Drawen 3D objektu sinpleak sor ditzakezu, adibidez, kuboak, esferak eta zilindroak, eta objektuen argi-iturria ere alda dezakezu.

Saretak eta doitze-lerroak

Saretek eta doitze-lerroek marrazkietako objektuak lerrokatzen laguntzeko gida erakusten dizute. Objektu bat sareta-marrara, doitze-lerrora edo beste objektu baten ertzera moldatzea ere aukera dezakezu.

Objektuak konektatzea erlazioak erakusteko

Office Drawen, objektuak "lotura-marrak" izeneko marra berezien bidez konektatu daitezke objektuen arteko erlazioa erakusteko. Lotura-marrak kolatze-puntuei itsasten zaizkie marrazki-objektuetan, eta itsatsita gelditzen dira konektatutako objektuak lekuz aldatzean. Lotura-marrak erabilgarriak dira organigramak eta diagrama teknikoak sortzeko.

Neurriak bistaratzea

Diagrama teknikoek sarritan objektuen neurriak erakusten dituzte marrazkietan. Office Drawen, kota-lerroak erabil ditzakezu neurri linealak kalkulatzeko eta bistaratzeko.

Galeria

Galeriak irudiak, animazioak, soinuak eta beste elementu batzuk dauzka, eta horiek marrazkietan eta beste Office programa batzuetan txertatu eta erabil ditzakezu.

Grafiko-fitxategiaren formatuak

Office Drawek grafiko-fitxategien hainbat formatu arruntetara esporta dezake, adibidez, BMP, GIF, JPG eta PNG.